Jessi zovins, jessi artiscj, jessi furlans, frisons, galês,… Identitâts individuâls e coletivis, une lenghe minoritarie come simbul di apartignince a di une comunitât, tant piçule tal mieç de globalizazion mondiâl.

Cheste serie di piçui documentaris, pe regjie di Dorino Minigutti, e intint sburtânus a une riflession su la influence che la identitât linguistiche e culturâl a àn pai zovins protagoniscj in diferents cjamps artistics.

Ogni episodi al è come un “puzzle” di piçui dialics che a ripuartin riflessions, contis e ricuarts dal protagonist in relazion aes personis che a fasin part de sô vite privade e professionâl. A son stadis realizadis trê seriis, che a àn par protagoniscj artiscj impegnâts te musiche, tes arts visivis e tes arts performativis.

Vuê al larà in onde l’episodi dedicât a

Rudy Citossi (cjantautôr)

Viôt il trailer: