Ai 11 di Avost dal 1920 al nasseve a Sarsêt di Martignà Riedo Puppo, insegnant, gjornalist e scritôr, che al à fat par dal grop leterari di Risultive, fondât di pre Bepo Marchet. Une vere scuele, che i à permetût di cjatâ un stîl di scriture dut so, come che o viodìn dai tancj articui ch’al vût publicât su lis rivistis «La Patrie dal Friûl», «Strolic Furlan», «Sot la Nape», «Friuli nel Mondo» e soredut sul setemanâl «La Vita Cattolica», li che al à rincurât par 30 agns cetantis rubrichis par furlan. Tra i siei libris o ricuardìn la racuelte Par un pêl, une des voris in marilenghe che a àn vût plui sucès te storiede leterature furlane.

Intervents di Ezio Banelli, mons. Duilio Corgnali, Eddi Bortolussi. Coordenament di Federico Rossi.