Setemane de culture furlane
Settimana della cultura friulana
18 - 28 Otubar - Ottobre 2020

Premi leterari in lenghe furlane San Simon – 41me edizion

Cerimonie di consegne dal Premi

Evento online

Nassût tal 1979, il Premi leterari plui prestigjôs dal Friûl vuê al rive a 41 edizions e 45 oparis publicadis, tocjant ducj i gjenars leteraris: dal romanç a la racuelte di contis, da la traduzion al saç fintremai al fumet. Cetancj i scritôrs che a àn partecipât al Premi e cetantis lis oparis di nivel alt che a àn insiorât la leterature furlane dal di dì di vuê cun autôrs come Pre Toni Beline, Medeo Giacomini, Gianni Gregoricchio e Franco Marchetta par rivâ tai ultins cinc agns a doi autôrs une vore origjinâi come Gianluca Franco e Raffaele Serafini. In chest ultin periodi al premi leterari si è zontât ancje un premi pes produzions audiovisivis in marilenghe. I lavôrs vincidôrs a son publicâts de Societât Filologjiche Furlane.

Daûr dal ultin DPCM la cerimonie, ch’e varès vût di fâsi in presince inte Sale consiliâr di Codroip, si fasarà in linie.

Mancano
settimane giorni ore minuti secondi
all'inizio dell'evento online su questa pagina