Setemane de culture furlane
Settimana della cultura friulana
6 - 16 Mai - Maggio 2021

La Patrie dal Friûl e fâs 75 agns

Evento online

L'evento è terminato.

Incuintri

Ai 24 di Fevrâr dal 1946 e nasseve la «Patrie dal Friûl», su iniziative di pre Bepo Marchet e di Felix Marchi: un predi e un miedi anarchic, leâts dal amôr pe nestre tiere e sburtâts dal domandâ libertât e autonomi pal popul furlan.

Tal dì dal inovâl dal Orcolat dal ’76, o tornìn a vivi la storie de riviste cu lis vôs dai protagoniscj di chei timps, une ete cetant siore di partecipazion e di voie di riscat, ma ancje di cui – tant che pre Toni Beline e Glesie Furlane – a’nd àn puartât indevant la opare fint in dì di vuê.

Nus vuide in chest percors il diretôr in cjarie, Walter Tomada, insiemi cun chei ch’a àn vût vuidât la riviste in passât, di Gianni Gubiani a Federico Rossi, rivant a Dree Venier e Erika Adami. A partecipin ancje Diego Navarria e pre Romano Michelot. Leturis di Carlotta Del Bianco. Conclusions di Dree Valcic.