Setemane de culture furlane
Settimana della cultura friulana
6 - 16 Mai - Maggio 2021

Tra lûs e scûr (Çurçuvint)

Mancano
settimane giorni ore minuti secondi
all'inizio dell'evento online su questa pagina
Evento online

Leture seniche

Di Carlo Tolazzi, cun Alessandro Maione, Filippo Quezel, Massimo Somaglino.

Doi alpins de Vuere Grande, un cjargnel e un furlan di Manià, sierâts dentri di une sagristie deventade preson, incolpâts di insubordenazion e di intindisi cul nemì, a son in spiete di cognossi il lôr destin che un’ore plui tart e sarà la muart. Un miscliçâsi di sintiments – rabie e pôre, proteste e rassegnazion, sperance e disperazion – suntun niçul di pietât umane.

At unic vincidôr tal 2002 dal Premi “Renato Appi”, al ven proponût di pueste pe “Setemane” in forme di leture seniche te version origjinâl de dramaturgjie, ven a stâi cu la presince di un tierç personaç – pre Luigi Zuliani plevan di Çurçuvint – taiât fûr te version par talian presentade di Riccardo Maranzana e Massimo Somaglino a Mittelfest 2003.