25 ilustradoris e ilustradôrs furlans, clamâts ad un di Dani Pagnucco e Gabriella Bucco, a àn firmât la grafiche des edizions 2022 dal Strolic furlan, dal Lunari e dal diari scuelastic Olmis, burîts fûr de Societât Filologjiche Furlane.
Lis tecnichis e i stîi, diferents artist par artist, a son la testemoneance de vivarositât creative dal nestri teritori e de sô dimension internazionâl propit in gracie dal lengaç visîf.
Une sezion de mostre e je dedicade al diari Olmis 2022-23, là che lis figuris a nassin di dîs storiis gjavadis fûr de golaine des Contis popolârs furlanis tornadis a scrivi pe ocasion di Chiara Carminati

Inte suaze de mostre il Comun di Sopula al met adun ancje un calendari di events cun laboratoris, leturis e presentazions di libris: viodi sul sît www.comune.zoppola.pn.it.

Sabide e domenie des 3 aes 7 daspomisdì