Un viaç di sîs zornadis in biciclete, ator pal Friûl cuntun grop di amîs de Associazion MTB Friuli: une esperience che si vûl fâ vivi ancje al public mostrant, cun fotos e filmâts, lis tantis maraveis che si platin pene fûr de puarte di cjase. Daspò l’espert di ambient Carlo Bulfone al fevelarà, in maniere semplice ma complete, de nature che si cjate su lis tieris traviersadis l’Istât passade in chest straordenari itinerari furlan.