La Societât filologjiche Furlane adun cu la Citât di Tarcint, cul Ent Friûl tal Mont e cul Ducât dai vins furlans, e da fûr ogni an l’avîs dal concors intitulât ae memorie di Chino Ermacora, che al premie i miôr progjets didatics che si riferissin ae lenghe, storie, ambient, teritori, dissiplinis didatichis, culture e tradizions dal Friûl.
Vie pe cerimonie di premiazion Roberto Pagura de compagnie teatrâl Molino Rosenkranz al contarà cetantis storiis sunant struments musicâi diferents e coinvolzint il public.
Event inmaneât dal Docuscuele (Centri regjonâl di documentazion, ricercje e sperimentazion didatiche pe scuele furlane).