La edizion 2026 de Setemane de culture furlane e torne a proponi, inmò une volte, une schirie di iniziativis par cognossi miôr e valorizâ aspiets e protagoniscj de nestre storie, de nestre tradizion e de nestre identitât. No podevin mancjâ, tal an che al cole il 50n inovâl dal taramot dal 1976, cetantis iniziativis che a ricuardin chê tragjedie e la grande fuarce morâl dal popul furlan tal tirâsi sù des maseriis e de distruzion materiâl, che no àn tocjât la identitât e i valôrs dal nestri Friûl.
O varìn maniere di ricuardâ une personalitât impuartante pe nestre culture, pre Josef Marchet, che ai 8 di Mai a colin i 60 agns de sô muart.
Lu fasarìn cuntune mostre fotografiche dedicade a une des sôs impresis plui impuartantis: lis gleseutis votivis dal Friûl.
Tal confermâ numars tant impuartants di adesions e di partecipazion, cun cheste rassegne si intint lei e interpretâ fats e moments dal passât, intun mont che al riscje di pierdi la memorie di ce che al è e di ce che o sin, ma ancje dâ vôs a esperiencis e riflessions sul avignî de nestre tiere, une tiere che nus domande di scoltâle e di capîle. Chest risultât al nas, prin di dut, di une rêt di colaborazions simpri plui fuartis tra associazions e istituzions dal Friûl, une rêt che e cres cu la condivision di progjets che nus cjapin dentri ducj, une rêt che e à contribuît a rindi plui fuart, e no di pôc, dut il complès de culture regjonâl.
In plui di incuintris e conferencis o vin ancje la presentazion di libris, lis ativitâts pai fruts, la riflession su la lenghe furlane e lis altris lenghis dal teritori, lis escursions, i spetacui teatrâi e musicâi, la tradizionâl Fraie de Vierte par sierâ lis manifestazions, che chest an si le fâs pe prime volte a Roncjis.
Ancje chest an, come simpri, o vin une biele cumbinazion di moments par valorizâ il nestri patrimoni artistic e dai bens culturâi, musicâl e teatrâl, ambientâl e storic. Une buine part dai events a son in presince, stant che la partecipazion di persone e je un element fondamentâl par misurâ i risultâts des iniziativis, ma une part si podarà viodile sul sît www.setemane.it, che al è atîf aromai di cetancj agns, un imprest pensât par informâ sul program de rassegne e par meti dongje un grant archivi di contignûts culturâi e multimediâi che a restin a disposizion dai cultôrs di dut ce che al rivuarde la furlanetât.
Cu la partecipazion dal mont culturâl furlan e la cualitât des iniziativis che o proponìn, l’ultin aspiet che al merte di sei metût in lûs al è propit chel de continuitât de Setemane de culture furlane: l’unic apontament culturâl di prospetive pardabon regjonâl che o vin in Friûl, un apontament che nus da la ocasion e la braùre di sintîsi part di une comunitât e di une grande tradizion.
L’edizione 2026 della Settimana della cultura friulana ripropone, ancora una volta, iniziative per conoscere meglio e valorizzare aspetti e protagonisti della nostra storia, della nostra tradizione e della nostra identità.
Non potevano mancare, nell’anno in cui ricade il cinquantesimo anniversario del terremoto del 1976, numerose iniziative in cui si ricorda quel tragico evento e la forza d’animo che il popolo friulano ha avuto per rialzarsi dalle macerie e dalle distruzioni materiali che non hanno intaccato l’identità e i valori morali del nostro Friuli.
Avremmo l’occasione di ricordare una personalità importante per la nostra cultura, don Giuseppe Marchetti, di cui l’8 maggio ricorre il sessantesimo dalla scomparsa, con una mostra fotografica dedicata ad una delle sue imprese più importanti: le chiesette votive del Friuli.
Nel confermare numeri così importanti di adesione e partecipazione, la rassegna si propone di leggere e interpretare vicende e momenti del passato, in un mondo che rischia di perdere la memoria di quello che è e di quello che siamo, ma anche di dare voce a esperienze e riflessioni sul domani della nostra terra, una terra che ci chiede di ascoltarla e di capirla. Questo risultato nasce, prima di tutto, da una rete di collaborazioni sempre più forti tra associazioni e istituzioni del Friuli, una rete che cresce con la condivisione di progetti che ci interessano tutti, una rete che ha aiutato a rendere più forte, e non poco, tutto il complesso della cultura regionale.
Oltre a incontri e conferenze abbiamo anche presentazioni editoriali, le attività per i bambini, la riflessione sulla lingua friulana e le altre lingue del territorio, le escursioni, gli spettacoli teatrali e musicali, la tradizionale Fraie de Vierte a concludere le manifestazioni, quest’anno e per la prima volta a Ronchis.
Anche quest’anno, come sempre, abbiamo una bella combinazione di occasioni per valorizzare il nostro patrimonio artistico e dei beni culturali, musicale e teatrale, ambientale e storico. Una buona parte degli eventi sono in presenza, perché la partecipazione resta elemento fondamentale per misurare il successo delle iniziative, ma una parte è veicolata anche sulla piattaforma www.setemane.it, attiva ormai da anni, uno strumento pensato per informare sul programma della rassegna e per consolidare un grande archivio di contenuti culturali e multimediali
a disposizione di cultori di cose friulane.
Con la partecipazione del mondo culturale friulano e la qualità delle iniziative che proponiamo, l’ultimo aspetto che merita di essere rimarcato è proprio quello della continuità della Settimana della cultura friulana: è questo l’unico appuntamento culturale di prospettiva davvero regionale che abbiamo in Friuli, un appuntamento che ci dà l’occasione e l’orgoglio di sentirci parte di una comunità e di una grande tradizione.
Federico Vicario
Dean de Societât Filologjiche Furlane
Presidente della Società Filologica Friulana