Ogni an par tradizion,
inte dì dal Congrès sociâl,
la Filologjiche Furlane e
publiche il “numar unic”, un
volum che al cjape dentri saçs
e studis sul teritori che al da
acet a la cunvigne.
Pal Congrès dal 2024, che
si è davuelt a Cuncuardia,
i curadôrs Franco Rossi
e Luigi Zanin a àn metût
adun un volum di passe 900
pagjinis che al cjape dentri
plui di 50 contribûts su temis
di ambient, archeologjie,
storie, biografiis, art, lenghe,
leterature e societât dal
Mandament di Puart.