La associazion Conoglan di Cjassà nus invide a viodi il tierç musical par furlan metût sù de Associazion culturâl "Parcè no?" di Montenârs. Al è un spetacul diviers di chei di prime, ma cence pierdi la ironie tipiche dal lôr stîl. Si conte de storie dal om tai secui, dai mûts di vivi, di pensâ e di rapuartâsi cun chei altris. La storie e je cuinçade cun lizerece, cjants e musiche e le contin doi personaçs di ecezion. Lis musichis di Alessio de Franzoni sui tescj di Sara Rigo si unissin ae storie scrite di Anna Placereani.