Si presente la gnove edizion
cuadrilengâl – par furlan,
sloven, talian e todesc – de
racuelte di poesiis Impiâ
peraulis di Celso Macor, par
cure di Renate Lunzer e
Gabriele Zanello, publicade de
Societât Filologjiche Furlane.
Al cole chest an il centenari
de nassite dal inteletuâl,
alpinist, gjornalist, scritôr
e poete nassût a Vierse
(Romans dal Lusinç) dal 1925.
«Furlan, amant di dutis lis
culturis»: cussì al jere scrit in
so onôr tai manifescj picjâts
sui mûrs di Gurize tal doman
de sô muart, dal 1998.
Intervents di Gabriele Zanello
e Alberto Pavan.