Al è vonde antîc il rapuart tra istrians e furlans, vuê europeans: tal passât par vie dai scambis comerciâi dai cramârs, par lavôr e pai leams di parintât.
Dopo dal 1918 la Istrie e parten a l’Italie e cussì i moviments sul teritori no vegnin fermâts dai confins.
Za dal 1866 a saltin fûr incomprensions politichis che a van a finî tai nazionalisims dal Nûfcent.
Cui prins agns Vincj e cu la seconde vuere mondiâl i contrascj a mudin in odi e violencis razistis di bande dai totalitarisims.
Al interven Elio Varutti (ANVGD, Comitât provinciâl di Udin). Si ricuardarà tai 30 agns de muart il vescul Abramo Freschi (1913-1996), president de pontificie comission di assistence di Udin, che dal 1945 al judà i dispatriâts julians e dalmatis.