In colaborazion cu la Union des Associazions di Lucinîs, si presente la ultime vore di Egle Taverna, publicade de Societât Filologjiche Furlane inte golaine Agâr.
Al è un romanç di gjenar sociâl, storic, romantic che si fonde sul mont feminin par rifleti su la condizion de femine îr e vuê, cun lizerece e ogni tant cun ironie.
Si conte de condizion des feminis dentri de struture patriarcjâl di une volte e de lôr reazion naturâl tal cjapâ man a man cussience di lôr stessis, scombatint pe lôr emancipazion, cence lassâ di bande i sintiments che a son une part impuartante dal romanç.