In spiete de Fraie de Vierte dai 28 di Mai a Prepot, ancje i fruts des scuelis a àn il lôr moment di fieste jentrant ad in plen tal mont de culture furlane in graciis de musiche e dal teatri.
Doi spetacui, un pai plui piçui e un pai plui grancj, a puartaran i colôrs de lenghe furlane dentri tes scuelis:
Gianluca Valoppi e Michele Zamparini (Teatro Positivo) a metin in sene Il jeur e la copasse, la famose gare tra il jeur svelt e la copasse lente contade di Esopo intune simpatiche version par furlan e Il puint dai fruts, une des plui bielis storis de leterature pe infanzie cuntun messaç fuart di pâs, interpretât dal grant ilustradôr Štěpàn Zavřel.
Cun Giorgio Parisi, invezit, si fasarà un laboratori musicâl par furlan, par zuiâ, cjantâ e balâ insiemi al ritmi di musichis furlanis e no dome…