Il Teatro Incerto, in anteprime pe Setemane de Culture Furlane e in colaborazion cun “La notte dei lettori”, al presente la vicende umane e dai studis di Graziadio Isaia Ascoli (1829 - 1907), lenghist di nivel internazionâl.
Par celebrâ i 150 agns dai “Saggi Ladini”, publicâts tal 1873, là che pe prime volte e ven descrite la identitât e la specificitât de lenghe furlane e des altris lenghis ladinis, cheste leture e presente al public il periodi furlan dal Ascoli: de nassite a Gurize ai 16 di Lui dal 1829 fintremai al so trasferiment a Milan tal 1861.
Di e cun Flavia Valoppi, Fabiano Fantini, Elvio Scruzzi e Claudio Moretti.