Il Comun di Tisane nus invide al spetacul che si fonde su lis composizions dal CD “Barlums - Canti d’inchiostro” dal grup Bràul. I tocs di chest CD e il spetacul che al nas di lôr, par furlan, a cjapin vite midiant de trasposizion in musiche di diviersis publicazions a stampe: poesiis, contis, romançs, saçs e libris ambientâts in Friûl o cun personaçs furlans. Un spetacul musicâl che al sburte no dome a scoltâ e a lei, ma ancje a discuvierzi i tescj di li che a son gjavâts fûr i tocs.