La Filarmoniche di Puçui e je nassude dal 1864, cuant che
18 fantats dal paîs si derin adun par meti sù une bande. A vuê i sunadôrs a son uns cuarante e il repertori si slargje de tradizion furlane
a di chê classiche, fin ae musiche moderne.
Enrico Tavano e il mestri Paolo Frizzarin, moderâts dal gjornalist Andrea Ioime, nus contin de musiche furlane vocâl e strumentâl e dai 160 agns di storie de Filarmoniche, innomenade ancje pal so costum furlan tradizionâl.