Cun chest incuintri si vûl fevelâ de figure di John Ronald Reuel Tolkien (1892-1973) tai 50 agns de muart e des ativitâts che e puarte indevant la Associazion Aulùs, che il so intindiment al è di slargjâ la cognossince des oparis dal innomenât scritôr a mieç dal furlan.
In particolâr si metarà in lûs la passion filologjiche di Tolkien e si fasarà cognossi la trasmission che ogni setemane su Radio Spazio 103 e trate par furlan un teme de sô opare.
A intervegnin Francesco Spizzamiglio, president de Aulùs, e il gjornalist de Vite Catoliche Giovanni Lesa.